ვებ-გვერდზე მიმდინარეობს ტექნიკური სამუშაოები
ჰააგის სასამართლოს გადაწყვეტილება 2008 წლის ომზე კონფლიქტის დარეგულირებასაც შეუწყობს ხელს - თინა ხიდაშელი
2016-02-13 16:52:52 · ამობეჭდვა

ქართული დელეგაციის წევრები ჰააგის პროკურორს, ფატუ ბენსუდას, შეხვდნენ, რომელიც აგვისტოს ომს იძიებს.

საერთაშორისო სისხლის სამართლის სასამართლოს პროკურორთან შეხვედრისას ქართული დელეგაციის წარმომადგენლებმა თანამშრომლობაზე მზადყოფნა დაუდასტურეს.

თავდაცვის მინისტრი, თინა ხიდაშელი, ჰააგის სასამართლოს გადაწყვეტილების მნიშვნელობაზე საუბრობს და ამბობს, რომ ჰააგის სასამართლოს გადაწყვეტილება 2008 წლის ომზე კონფლიქტის დარეგულირებასაც შეუწყობს ხელს.

„ერთხელ და სამუდამოდ ასეთი მაღალი რანგის ტრიბუნალი თუ იტყვის, რომ საქართველოში მოხდა ეთნიკური წმენდა 2008 წლის აგვისტოში, რაც სრულიად ნათელია და ხელისგულზე დევს, ეს მხოლოდდამხოლოდ სასარგებლო იქნება ყველაფრისთვის, მათ შორის კონფლიქტის მოგვარებისთვისაც,“ - განაცხადა თინა ხიდაშელმა.

საერთაშორისო სისხლის სამართლის სასამართლოს პროკურორთან შეხვედრას საქართველოს პრემიერ-მინისტრი, გიორგი კვირიკაშვილი და საგარეო საქმეთა მინისტრი, მიხეილ ჯანელიძეც ესწრებოდნენ.







გაზიარება და მოწონება